Greinar frá deginum 25th October, 2005

Vertu hávaxinn, dökkhærður karlmaður!
Af nýlegri sjónvarpsauglýsingu frá Verslunarmannafélagi Reykjavíkur að dæma virðist sem ofangreint sé besti grunnur sem manneskja getur haft til þess að njóta góðra kjara á Íslandi í dag. VR bendir á þetta, ekki sem lof eða last um hávaxna dökkhærða karlmenn, heldur til að sýna fram á hversu mikil áhrif útlit og þó einkum kyn getur haft á kjör fólks. Af auglýsingunni að dæma eru lágvaxnar, ljóshærðar konur ólíklegastar til að njóta góðra kjara. Vitanlega er þó ástandið einfaldað til að falla að formi auglýsingarinnar. Eftir stendur að launalegt jafnrétti kynjanna er enn ekki veruleiki í upphafi 21. aldar.