Greinar frá mánuðinum May, 2006
Hugsandi skiptir yfir á sumartíma
Kæru lesendur. Þar til í sumarlok verður birtingum á Hugsandi fækkað úr tveim í eina. Við hvetjum dygga lesendur til að njóta sumarsins og halda áfram að líta hér við á fimmtudögum en þá daga ábyrgjumst við ferskt og gott efni.
Ritstjórnin
Lesa áfram »Einkavæðing átaka
Með auknum alþjóðlegum samskiptum og fleiri þátttakendum í markaðshagkerfi hafa kaupendur og fyrirtæki enn meiri áhrif á stöðu ríkja en áður fyrr. Sérstaklega veikra ríkja þar sem efnahagur er bágur, lögmæti ríkisins lítið og algengara er að vopnuð átök eigi sér stað. Alþjóðleg viðskipi með afurðir náttúruauðlinda og einkavæðing á sviði herþjónustu eiga þátt í að veikja enn frekar veikburða ríki í stað þess að styrkja þau til að geta sinnt skyldum sínum gagnvart þegnunum.
Lesa áfram »Flóttamenn: Fólkið sem enginn vill fá
Það heyrist oft á Vesturlöndum að þangað fljóti straumur af flóttamönnum. Það er hins vegar ekki raunsönn mynd þar sem þau taka aðeins við litlum hluta þeirra flóttamanna sem eru í heiminum sökum strangra innflytjendalaga. Einungis um fimmtungur flóttamanna fær hæli í iðnríkjunum. Meirihlutinn fær hæli í löndum sem fyrir eiga við mikil félagsleg og efnahagsleg vandamál að stríða.
Lesa áfram »Allegóría í Öskju
Í dag hefst Söguþing og er það breska fræðikonan Liz Stanley sem flytur minningarfyrirlestur Jóns Sigurðssonar. Stanley er prófessor í félagsfræði við Háskólann í Edinborg en starfar á mörkum félagsfræði, sagnfræði, heimspeki og bókmennta og hefur einkum fengist við kvenna- og kynjasögu. Sagnfræðistofnun og Rannsóknarstofa í kvenna- og kynjafræðum gáfu landanum færi á að kynnast þessari spennandi fræðikonu betur með því að standa fyrir málstofu með Stanley. Unnur María Bergsveinsdóttir sótti málstofuna og heillaðist.
Lesa áfram »Húsin heim?
Í teiknimyndaþættinum Futurama sem gerist um árið 3000 fara aðalpersónurnar á "Minnismerkjaströnd" þar sem ofurglæpon hefur komið fyrir minnismerkjum sem hann hafði stolið víðs vegar að. Það sem var kannski verra en að glæpurinn sjálfur var að enginn í framtíðinni áttaði sig á hve ósmekklegt þetta safn var. Hér á eftir rekur Óli Gneisti Sóleyjarson rauðan þráð sem liggur frá teiknaðri framtíðarströndu, gegnum Egyptaland og British Museum og mögulega að Vopnfirsku húsunum í Árbæjarsafni.
Lesa áfram »Of fá til að hneykslast?
Fram undir árið 1980 fylgdi umfjöllun íslenskra fjölmiðla um pönk erlendum línum og áherslan færðist jafnt og þétt af æsifréttum yfir á fjarlægari sýn þar sem pönkinu hafði verið úthlutað bás og var skilgreint sem lágmenningarleg unglingauppreisn. Það var ekki fyrr en seinna í tengslum við frumsýningu kvikmyndarinnar Rokk í Reykjavík, sem umfjöllun um pönkið náði að skekja íslenskt samfélag. Það var þó ekki vegna þess að Íslendingar hafi verið umburðarlyndari gagnvart undarlega klæddu fólki en nágrannaþjóðirnar, aðalástæða þess að innflutt siðferðisuppþot missti marks var einfaldlega smæð samfélagsins.
Lesa áfram »Af nornamarkaðnum í La Paz, Bólivíu.
Frá glimmerfroskum til ,,mannfórna".
Á nornamarkaðnum í La Paz, Bólivíu, er hægt að kaupa styttur til að bæta kynlífið, þurrkuð beltisdýr til þess að vernda heimilið gegn þjófnaði og þurrkuð lamadýrsfóstur. Bryndísi Björgvinsdóttir lék forvitni á að vita hversvegna maður skyldi vilja kaupa þurrkuð lamadýrsfóstur og hætti ekki að spyrja fyrr en hún fékk svar. Hún féllst á að deila með lesendum Hugsandi nýfengri vitneskju sinni í máli og myndum.
Lesa áfram »Verksmiðjubúskapur í augum kjötætu
Allt frá byrjun höfum við mennirnir drepið önnur dýr okkur til matar, það er ekkert ónáttúrulegt eða óeðlilegt við það. Í mörg árþúsund höfum við einnig stundað búskap, sem sagt ræktað dýr okkur til nytjar. En í dag verður það að segjast að þessi búskapur hefur tekið á sig mjög ónáttúrulega mynd, í dag fjöldaframleiðum við dýr.
Lesa áfram »Hjátrú á upplýsingaöld
Á tímum tæknivæðingar, örrar þróunar og mikils upplýsingaflæðis er hægt að hugsa sér að hjátrú lifi ekki góðu lífi meðal fólks. Þó er nú svo að fólki er og mun ekki hætta að vera órótt gagnvart aðstæðum sem það hefur ekki fulla stjórn á. Sömuleiðis varðandi hluti sem það þekkir ekki.
Lesa áfram »