Greinar frá deginum 28th November, 2006

Hver vill búa í heimi þar sem konur geta ekki keypt sér þá skó sem tærnar girnast eða lagt í stæði með listfengum hætti eftir eigin nefi eða fengið að stjórna heiminum?

Þessi spurning var lögð fram í vikuritinu Birtu ekki alls fyrir löngu. Ég geri ráð fyrir því að hún sé sett fram í hálfkæringi og jafnvel má greina í henni eilítinn kaldhæðnisbrodd ef vel er að gáð. Hins vegar má líka sjá í henni mjög útbreidda skoðun á því hvernig litið er á hæfileika, eða hæfileikaskort, kynjanna á vissum sviðum. Í nánast hverju einasta tímariti og mörgum dagblöðum má sjá misgáfulegar alhæfingar um kynin.