Greinar frá deginum 22nd February, 2008

Íslenska þjóðríkið er afbragðs dæmi um það hvernig sagnfræðin getur verið í beinni samræðu við samtíma sinn með því að benda á hvernig fortíðin mótar stöðugt hugmyndir samtímans - hugmyndir sem geta virkað „ósögulegar“ á þá er ekki kæra sig um að líta um öxl. Ritið virðist að nokkru hugsað til að benda á hvernig pólitísk orðræða sjálfstæðisbaráttunnar mótar enn að hluta sjálfsmynd og orðræðu íslenskra stjórnmála. Guðmundur virðist því hafa ákveðnar hugmyndir um hlutverk sagnfræði í samfélaginu þ.e. að sýna hvernig Íslendingum er réttast að „[…] byggja afstöðu sína til samtímans á gagnrýnu mati á fortíðinni.“