Greinar frá deginum 24th April, 2008

Ég hef starfað sem framhaldsskólakennari í rúm fjögur ár. Þegar ég lít til baka þá finnst mér að móttaka og þjálfun mín hafi verið ómarkviss og tilviljanakennd. Ekki virtist vera til nein stefna á vinnustaðnum varðandi þjálfun nýrra kennara og ekki var gætt að vinnuálagi. Eftir um tvö ár í starfi leit ég til baka og sá að margt hefði mátt betur fara. Út frá þessari reynslu vaknaði áhugi á því að skoða hvernig móttöku og þjálfun nýrra kennara er almennt háttað hjá framhaldsskólum og jafnframt hvort hægt sé að benda á leiðir til úrbóta.