Greinar frá deginum 10th September, 2008

Dægurtónlist er sjaldan ein á ferð. Henni fylgir yfirleitt boðskapur, hvort sem hann felst í texta eða í umgjörð tónlistarinnar. Skilaboðin geta verið margvísleg og snúist um lífsstíl, tísku, hugarfar eða pólitík. Oft eru þessi skilaboð blátt áfram og auðlesanleg en í samfélögum þar sem útgáfustarfsemi er undir vökulu auga stjórnvalda geta vinsæl dægurlög orðið að leið til þess að koma á framfæri því sem ekki má tala um. Hér á eftir verður stiklað á stóru í þróun vinsældapopps á Ballanskaga, en á tímum tímum þjóðernishreinsanna og styrjalda gat þessi tegund tónlistar orðið ansi beinskeitt og herská.