Greinar frá deginum 18th February, 2010

Mikið hefur verið rætt og ritað á liðnum misserum um hlut kvenna í hinu opinbera lífi á Íslandi. Það er staðreynd að þrátt fyrir að hlutur kvenna á vinnumarkaði og í stjórnmálum hafi aukist jafnt og þétt á undanförnum árum þá er sú þróun frekar hægfara. Launamunur kynjanna virðist allt að því vera óbrúanlegur og lóðrétt verkaskipting vinnumarkaðar, þar sem karlar eru að jafnaði í hærri stöðum en konur, er eitt af megineinkennum íslensks vinnumarkaðar.