Greinar frá deginum 22nd June, 2010

Kynlíf á efri árum hefur löngum þótt stirt umræðuefni í samfélaginu og af mörgum talið fátíður viðburður hjá ellihrumu fólki. Raunveruleikinn er annar þar sem kynlíf er hluti af eðlilegum athöfnum og löngunum fólks, óháð aldri. Ýmsir þættir kunna þó að hafa áhrif á tíðni og getu aldraðra til að stunda kynlíf. Lítil sem engin umræða á sér stað um þessi málefni og því á fólk erfitt með að mynda sér skoðanir sem eru lausar við fordóma. Í þessari fyrri grein af tveimur um kynlíf aldraðra verður fjallað almennt um kynlíf aldraðra, hvernig líkamlegar breytingar hafa áhrif á kynlíf eldri einstaklinga og viðhorf almennings til þessara þátta mannlífsins.