Greinar í flokknum Upplýsingasamfélagið
Nútímavæðing tjáningarfrelsis
Tjáningarfrelsi í sinni nútímamynd varð hluti af lagakerfum ýmissa ríkja í kjölfar frönsku byltingarinnar. Sú birtingarmynd þess sem flestir þekkja í dag er fyrsti viðauki bandarísku stjórnarskrárinnar frá 1791, en þar kristallaðist sú heimspeki að sérhverjum manni væri frjálst að tjá sig um sínar skoðanir án nokkurra hafta. Síðan þá hefur margt breyst, ekki síst lagakerfið. Gallar þessa lagaumhverfis hafa orðið æ skýrari eftir að hagkerfi heimsins tóku að hrynja nú um árið. Í ljós kom að kom að fjölmiðlar höfðu hreinlega ekki getu til að fullnægja hlutverki sínu. Vandamál fjölmiðla verða ekki leyst á einu bretti, en það eru til auðveldar leiðir til að laga mörg þeirra. Þar kemur IMMI, Icelandic Modern Media Initiative, til sögunnar.
Hver veit nema íslenska bankahrunið verði upphafið að nýjum tímum gagnsæis og upplýsingafrelsis?
Tvær mínútur yfir tólf: Dómsdagsótti í í popptextum níunda áratugar - II. hluti
Í þriðjudagsgrein Hugsandi var hið gleymda en sammannlega minni kjarnorkuógnar rifjað upp með rýni í valda popptexta og tónlistarmyndbönd. Í þeim var fjallað um hin valdamiklu gamalmenni sem heiminn höfðu í greipum sér og óttann við handhægan heimsendi - sem kæmi von bráðar ef/þegar einhver þrýsti óvart/viljandi á hnappinn rauða. Minningapartíið heldur nú áfram á YouTube þar sem nóg er til af hárlakki, silkiskyrtum og skærlitum grifflum í bland við reyksveppi, geislavirkt úrfelli og kjarnorkuvetur.
Lesa áfram »Tvær mínútur í tólf: Dómsdagsótti í popptextum níunda áratugar - I. hluti
Eitt rótgróið stef í vestrænni menningu er óttinn við aðstæður sem einstaklingur hefur engin áhrif á. Þessi ótti birtist í ýmsum myndum; hugsanlegar afleiðingar hinna skelfilegu aðstæðna geta varðað lítinn hóp (t.d. flugslys eða hryðjuverk) eða stærstan hluta mannkyns (t.d. þynning ósonlags eða heimskreppa). Martröð hins algjöra úrræðaleysis má finna í ótal kvikmyndum og bókum. Hér rifjar höfundur upp, með aðstoð YouTube, hið yfirvofandi og óumflýjanlega kjarnorkustríð eins og það birtist í nokkrum vinsælum dægurlögum frá níunda áratug síðustu aldar.
Lesa áfram »Steve Jobs - Seinni hluti
Þetta er síðari hluti greinar um Steve Jobs, fyrri hlutann má finna hér
Þegar hér er komið við sögu þá hefur Steve Jobs farið frá tölvufyrirtækinu sem hann stofnaði, Apple, og stofnað nýtt tölvufyrirtæki, NeXT, sem gengur ekki vel. Þar að auki er hann eigandi tölvufyrirtækisins Pixar, sem aftur á móti er orðið að mjög arðbæri fyrirtæki.
Lesa áfram »Steve Jobs - Fyrri hluti
Steve Jobs er 52 ára gamall Kaliforníubúi. Hann er annar tveggja stofnenda tölvufyrirtækisins Apple og var forstjóri tölvuteiknimyndafyrirtækisins Pixar þar til Disney keypti það í fyrra. Við skulum skoða hvað er svona merkilegt við Steve Jobs.
Lesa áfram »Hvert fór framtíðin?
Í upphafi tölvualdar var sú trú algeng að tæknin myndi bylta námsumhverfinu, að hún myndi gera okkur kleyft að læra meira, hraðar, ódýrar. Við myndum drekka í okkur heimsbókmenntirnar meðan við svæfum og vera geisluð milli frægra listasafna á sekúndubroti.
Reyndin hefur hinsvegar orðið sú að líkt eins og við fljúgum ekki milli heimilis og vinnustaðar í glærum plastkúlum né heldur klæðumst við silfurlitum samfestingum, þá hefur ekki heldur á síðustu 3 áratugum orðið nein grundvallar breyting á því hvernig fróðleik er miðlað. Og þá hlýtur kona að spyrja sig, hvert fór framtíðin?
Lesa áfram »Stafræn skjöl og sagnfræði — Hvenær getum við talað um stafræna heimild sem upprunalega?
Hvaða hlutar stafrænnar heimildar tilheyra kjarna hennar og hverjir miðlunarmátanum? Þegar við fáumst við hefðbundnar heimildir á borð við segulbandsupptöku af viðtali eða texta vélritaðan á pappír tökum við samstundis eftir því ef tekið hefur verið yfir hluta af upptökunni eða strikað yfir stöku setningar. Hvort krotað hafi verið á spássíurnar. Miðillinn er þannig samofinn innihaldinu. Þessi eining tilheyrir hinsvegar ekki hinni stafrænu nátttúru.
Lesa áfram »Upplýsingatækni, fátækt og þróun
Á Indlandi hafa samtök sem kalla sig NIIT, undir stjórn Dr. Sugata Mitra, komið í framkvæmd hugmynd sem byggir á því að skortur á skólum þurfi ekki sjálfkrafa að þýða enga menntun. Þessi samtök hafa sett upp tölvur í veggjum á leiksvæðum þar sem börn hafa aðgang að þeim og geta prófað sig áfram með góðum árangri ("www.hole-in-the-wall.com":http://www.hole-in-the-wall.com ). … Einnig gætu háskólar þróunarlanda spilað stórt hlutverk við að aðlaga hina vestrænu upplýsingatækni að heimahögum sínum ef þeim yrði gefið tækifæri til að koma að stefnumótun og notkun þessarar tækni.
Lesa áfram »